فول مدمس بالخلطة السرية

فول مدمس بالخلطة السرية

نقدم لكم اليكم وصفة عمل فول مدمس بالخلطة السرية :

مقادير الخلطة السرية

كوب ونصف خل

معلقة صغيرة عصفر

معلقة صغيرة ملح

معلقة صغيرة كمون

7 فصوص ثوم

قرن فلفل حامى

ليمونة

طريقة عمل الخلطة السرية :

·     نصب الخل فى زجاجة كاتشب فاضية

·     نقشر فصوص الثوم ونقسمها طوليا نصفين ونضعهم فى الخل فورا

·     نقسم قرن الفلفل ونضعه فى الثوم

·     نغسل اليمونة جيدا ونعصرها على الخل ثم نضع القشر ايضا فى الخل

·      نضع العصفر والكمون والملح فى الخل ونغلق الزجاجة ونرجها جيدا ثم نتركها على المطبخ

بعد تدميس الفول وبعد ان يبرد تماما فى الثلاجة نضربه فى الخلاط بدون ماؤه ضرب خفيف بحيث يبقى فتافيت لكن مش كتير لدرجة انه يبقى عصير – وعند تجهيز الفول نسخن الكمية المطلوبة – وبعد ما نطفى النار نضع عليه :

·      معلقة طحينة

·      ربع كوب زيت

·      معلقة من الخلطة السرية

ملحوظة : هذه الكمية تكفي 4 أشخاص

ونقلب بحركة دائرية سريعة جدا الى ان يختفى الزيت فى الفول ولا يظهر له أثر  دى طريقة  تشبه طريقة عمل المايونيز  وهى مهمة جداً للحصول على الطعم الرائع للفول المدمس  ثم نضع على الفول :

·      3 ثمرات طماطم مقطعة صغير

·      بصلاية مقطعة صغير

ونقلب الكل ونبدأ نعمل أحلى سندوتشات فول  بالعيش الشامى أو البلدى الأسمر مع خيار مخلل او طرشى مشكل  وبالهنا والشفا .